Соьлжа-Г1алин лоьмар 3 йолчу ишколан нохчийн меттан а литературан хьехархочо Умаев Саламбекан Мархас д1айаьхьира 5-чу классера дешархошца шен рог1ера литературин урок. 

Цу урокан коьчалла йара Саракаев Хьамзатан дийцар «Баьпкан чкъуьйриг». 1алашо йара дешархошна баьпкан мехала а, цу дахаран цуьрган пусар дан дезар а, и беркат вайн х1оранна стоьла т1ехь хилар Делера боккха къинхетам буйла дешархошна хаийтар, цуьнах кхетам балар а. Массо а тайпана бепиг деанера дешархоша цу уроке. Цуьнан мах оццул беза хилар хиъна а ца 1аш, доккхачу самукъаца цуьнан х1ора а тайпана долчу цастарийн чам а боккхуш, даа аьтто хилира дешархойн.Иштта мерза а хеташ бепиг шаьш диъна а дацара бохуш, чекхйелира и урок! Цу кепара урокаш ч1ог1а мехала йу вайн т1екхуьучу чкъурана.